افضل جامعات امريكا تدرس تخصص ادارة اعمال

احد الاصدقاء قال:

انا درست فاونديشن بزنس في جامعــة كاردف السنة اللي طافت،

كاردف من الجامعات العريقـة صراحـة ،
والرانك حق البزنس فيها على احصاءيات قبل 64 من 100

وكانوا يقولون لنا ان قسم البزنس في كاردف وصل لرقم 4 من أفضل الجامعات في بريطانيا ،
بس مب متأكـد من مصداقيـة هالكلام


بس بشكل مختصر جـداً الدراسـة كانت ممتازة صراحـة ،
درسنا مقدمات لتقريباً كل أقسام البزنس :
ادراة الأعمال + الايكونوميكس + البزنس ماث + موارد بشرية + مانجمنت + اكاونتج ..
ومستوى التدريس تمام التمام، والمواد المطروحـة أيضاً سهلة نوعاً ما ،
بالنسبـة للامتحانات لازم بتلقى سؤالين أو ثلاث من امتحان السنه اللي طافت .. لكن مشكلتهم في التصحيح، شديدين شوي،


بخصوص اي احسن جامعـة ،
ما جربت إلا هي كاردف .. فما عندي خلفية عن باقي الجامعات ،
لكن تقدر تشوف موقع جارديان، هو من المواقع اللي تقارن بين الجامعات ،
من حيث التخصصات أو الجامعات نفسها ،
http://browse.guardian.co.uk/education/2008

وبالنسبـة للتسجيـل فما في إلا مع بدايـة السنـة الدراسيـة شهر 9
لأن نظام سنـة كاملـة .. يبتدي شهر 9 ويخلص شهر 6

وللسنـة كاملة رسوم 9,100 باونـد ..

في حال تبي تقدم اوراقك
لكن ما في شي يمنع انك ترسل ايميل للجامعـة وتسألهم
وهم ممكن ينصحونك بشنو تقدر تسوي ..
foundation@cardiff.ac.uk


* هذا موقع البرنامج، تصفحه فيه أشيا تفيدكـ :
http://www.cf.ac.uk/for/prospective/inter/ifp/index.html